Lova skal fremja verksemders respekt for grunnleggjande menneskerettar og anstendige arbeidsforhold i samband med produksjon av varer og levering av tenester, og sikre allmenta tilgang til informasjon om korleis verksemder handterer negative konsekvensar for grunnleggjande menneskerettar og anstendige arbeidsforhold.
Vigo IKS har både plikt til å overhalda menneskerettar og å følgja openheitslova for å sikra gjennomsiktigheit og ansvarskjensle i verksemda vår.
Egen verksemd
Vigo IKS respekterer og støttar grunnleggjande menneskerettar, slik det kjem fram i internasjonale konvensjonar og norske lover i all vår verksemd.
Vigo IKS identifiserer følgjande menneskerettar og arbeidstakarrettar som område der Vigo IKS kan ha særleg påverknad:
- HMS på arbeidsplassen
- Forbod mot rasisme og diskriminering
- Rett til arbeid og fråvær av diskriminering av arbeidssøkjarar
- Organisasjonsfridom og fagforeiningsfridom
- Forbod mot barnearbeid, tvangsarbeid og slaveri
- Rettferdig og gode arbeidsvilkår, under dette trygge og sunne arbeidsforhold. Forbod mot alle former for diskriminering i arbeidsforhold og ved tilsetjing.
Leverandører
Vigo IKS er eit interkommunalt selskap oppretta med heimel i lov om interkommunale selskap. Selskapet har fylkeskommunane og Oslo kommune som eigarar.
Selskapet er eit IKT- og digitaliseringsselskap som skal sørgja for effektive og behovsstyrte innkjøp, forvaltning og drift av digitale tenester for dei lovpålagde oppgåvene frå fylkeskommunen innanfor utdanning og samferdselsforvaltning. Lov om offentleg innkjøp og reglane om offentleg støtte skal varetakast. Selskapet skal også tilby nødvendig fagleg opplæring og rettleiing knytt til tenestene som blir leverte.
Digitale tenester knytt til lovpålagde fylkeskommunale oppgåver kan leggjast til selskapet i tråd med behovet til deltakarane og bestilling innanfor dei rammar representantskapet fastset og som ikkje er av økonomisk art. Med dette følgjer ein brei og variert leverandørportefølje innan rådgiving og drift.
Leverandørane varierer i storleik frå store internasjonale og nasjonale selskap til mindre lokale leverandørar. Vigo IKS har kontrakt eller rammeavtale med omtrent 30 leverandørar, til ein samla kontraktsverdi på ca 80 millionar kroner. Årleg forbruk er ca 84 millionar kroner eks Mva.
Vigo IKS er medviten vårt ansvar for å utvikla seriøse avtalar og ansvarleg leverandørar.
Vigo IKS er mellom anna underlagd lov om offentlege innkjøp. Konkurransar blir planlagde og blir gjennomførte og kontraktar inngår og blir følgde opp på ein forretningsmessig, samfunnsansvarleg og ressurseffektiv måte i tråd med lover og forskrifter.
Me har gjennomført ei overordna vurdering av risiko for brot på menneskerettar og anstendige arbeidsforhold.
I samband med innkjøpsprosessar på rammeavtalar er det stilt krav til miljø og sosialt ansvar og det er stilt krav til at tilbydarane må kunna gjera greie for etisk handel i alle ledd. Kravet til varsemd er derfor vareteke når det gjeld desse avtalane.
Det er ikkje avdekt behov for tiltak mot nokon leverandørar, men Vigo IKS reviderer leverandørane sine jamleg og ved kontraktsfornyingar, for å sikra at desse heile tida etterlever norske krav og lovar.
I tillegg vart eigeninnkjøp og inngåtte avtalar gått gjennom. Me har ikkje avdekt faktiske negative konsekvensar for grunnleggjande menneskerettar og anstendige arbeidsforhold hos leverandørane.
Kontakt oss
Har du spørsmål knytt til arbeidet vårt med varsemdvurderingar jfr. openheitslova kontakt oss gjerne på post@vigoiks.no
Forbrukartilsynet er offentleg tilsynsmakt med openheitslova
Du kan lesa meir om openheitslova på Forbrukartilsynets nettsider her.